https://aknews.az/ az https://aknews.az/index.php?newsid=5025 https://aknews.az/index.php?newsid=5025 5025 Thu, 23 Apr 2026 22:26:20 +0400 native-yes “Ukrayna öz xalqının həyatı bahasına Avropanı müdafiə edir, buna görə də Avropa İttifaqına simvolik yox, tamhüquqlu üzvlüyə layiqdir”.

“Əvvəla, bütün tərəfdaşlara, bütün Avropa İttifaqı liderlərinə - Almaniya, Fransa, Polşa, Rumıniyaya, eləcə də Ukraynanın ittifaqa sürətli üzvlüyünü dəstəkləyən və sürətləndirmə formatı axtaran bütün ölkələrə təşəkkür edirəm. Amma gəlin ədalətli olaq, ​​Ukraynanın Avropa İttifaqına simvolik üzvlüyə ehtiyacı yoxdur. Ukrayna özünü və Avropanı müdafiə edir. O, Avropanı simvolik yox, real müdafiə edir”, - o bildirib.

Zelenski qeyd edib ki, Ukrayna Avropanı qorumaq üçün əlindən gələni edir.

Prezident ukraynalıların bu uğurda gedən müharibədə həlak olduqlarını vurğulayıb:

“Biz ortaq Avropa dəyərlərini müdafiə edirik. Hesab edirəm ki, biz Avropa İttifaqına tamhüquqlu üzvlüyə layiqik”.

Aknews.az]]> https://aknews.az/index.php?newsid=5024 https://aknews.az/index.php?newsid=5024 5024 Thu, 23 Apr 2026 22:17:03 +0400 native-yes AFFA Hakimlər Komitəsinin sədri Rəhim Həsənov Azərbaycan Kubokunun yarımfinalında keçirilən "Sabah" - "Qarabağ" oyunundakı mübahisəli epizodlara münasibət bildirib.

R.Həsənov "Qarabağ"ın qapıçısı Mateuş Koxalskiyə göstərilən qırmızı vərəqənin haqlı olduğunu qeyd edib.

Komitə sədri görüşün son epizodunda penalti verilməməsinin də doğru qərar olduğunu vurğulayıb.

Qeyd edək ki, 2:1 hesablı qələbə qazanan “Sabah” ölkə kubokunun finalına vəsiqə qazanıb.



Aknews.az]]> https://aknews.az/index.php?newsid=5023 https://aknews.az/index.php?newsid=5023 5023 Thu, 23 Apr 2026 22:03:30 +0400 native-yes Tibbi Ərazi Bölmələrini İdarəetmə Birliyində (TƏBİB) sensasiya hadisə baş verib. Manset.az-ın əldə etdiyi məlumata görə, TƏBİB-in Daxili nəzarət və monitorinq departamentinin rəhbəri Qurbanov Orxan Ənvər oğlu öz soyadını dəyişib. Onun bu addımı qurumun əvvəlki rəhbəri Vüqar Qurbanovla qohum olduğu üçün atdığı iddia edilir.
Onun soyadını dəyişərək Ənvərli etməsi öz vəzifəsini qoruması ilə əlaqələndirilib.

Məsələ ilə bağlı Manset.az xəbər portalı adıçəkilən Orxan Qurbanovla əlaqə saxlayıb. O, məlumatı təsdiqləyib:

“Mən soyadımı dəyişə bilmərəm? İstəmişəm ki, soyadım atamın adı ilə bağlı olsun. Ona görə dəyişib atamın adını götürmüşəm".

Daha sonra əməkdaşımızın “soyadınızı Vüqar Qurbanovun məsləhəti ilə dəyişmisiniz?” sualına isə cavab verməyib.
Aknews.az]]> https://aknews.az/index.php?newsid=5022 https://aknews.az/index.php?newsid=5022 5022 Thu, 23 Apr 2026 20:47:28 +0400 native-yes Hesablama Palatasının Gəncə Şəhər İcra Hakimiyyətində apardığı auditin nəticələri ilə bağlı hesabatında diqqətçəkən məqamlardan biri də Gəncə İdman Sarayının tikintisi ilə bağlı xərclərin şişirdilməsidir. Ötən gün bu barədə yayılan məlumatlara görə, hesabatda qeyd olunur ki, Gəncə İdman Sarayının tikintisi işlərinin dəyəri 9,52 milyon manat artırılıb. Qaynarinfo-nun araşdırması zamanı məlum olub ki, Gəncə İdman Sarayının tikintisi ilə bağlı ilk satınalma müqaviləsi 2020-ci ilin aprelində "Rövşən Oğuz Qrup” MMC ilə bağlanıb. Müqavilənin maliyyə dəyəri 4 600 000 manat olub. Satınalma proseduru birmənbə metodu ilə həyata keçirilib.
Lakin bu vəsait sarayın inşasına bəs etməyib. Gəncə Şəhər İcra Hakimiyyəti 5 ay sonra, yəni 2020-ci ilin sentyabrında Gəncə İdman Sarayının tikintisi ilə bağlı birmənbə metodu ilə daha bir müqavilə imzalayıb. Bu müqavilənin maliyyə dəyəri 1 800 000 manat olub.

2021-ci ilin mart ayında isə sarayın tikintisi ilə bağlı "Rövşən Oğuz Qrup” MMC ilə 9 400 000 manatlıq növbəti satınalma müqaviləsi imzalanıb. Həmin ilin avqust ayında sarayın tikintisinə satınalma yolu ilə 5 000 000 manat ayrılıb.

2021-ci ilin dekabrında isə yenə də Gəncə Şəhər İcra Hakimiyyəti ilə "Rövşən Oğuz Qrup” MMC arasında maliyyə dəyəri 181 600 manat təşkil edən daha bir müqavilə imzalanıb.

Gəncə Şəhər İcra Hakimiyyəti ilə "Rövşən Oğuz Qrup” MMC arasında idman sarayının tikintisi ilə bağlı əməkdaşlıq 2022-ci ildə də davam edib. Həmin ilin mart ayında tərəflər arasında 15 000 000 manat dəyərində satınalma müqaviləsi imzalanıb.

2022-ci ilin sentyabr ayında isə tərəflər növbəti satınalma müqaviləsinə imza atıblar. Bu müqavilənin maliyyə dəyəri 10 000 000 manat təşkil edib.

2023-cü ilin mart ayında Gəncə Şəhər İcra Hakimiyyəti ilə "Rövşən Oğuz Qrup” MMC arasında 28 663 030,92 manatlıq, 2025-ci ildə isə 4 000 000 manatlıq daha iki satınalma müqaviləsi imzalanıb.

Beləliklə, 2020-ci ildən 2025-ci ilədək Gəncə İdman Sarayının tikintisinə ümumilikdə 78 644 630,92 manat ayrılıb.

Sarayın inşasını həyata keçirən "Rövşən Oğuz Qrup” MMC 29 aprel 2009-cu ildə qeydiyyata alınıb. Nizamnamə kapitalı 40 manatdır. Hüquqi ünvanı Əhməd Rəcəbli 1, ev 8-də - "Adore Plaza”nın 3-cü mərtəbəsində yerləşir. Şirkətin qanuni təmsilçisi Mustafayev Hafiz Carı oğludur.

"Rövşən Oğuz Qrup” MMC-nin internet səhifəsində qeyd edilib ki, şirkətin əsası 1991-ci ildə qoyulub. MMC 100 faiz yerli kapital əsasında fəaliyyət göstərir.

Şirkətin rəhbəri Hafiz Mustafayev haqqında açıq mənbələrdə heç bir məlumata rast gəlinmir.

Gəncə Şəhər İcra Hakimiyyətinin başçısı Niyazi Bayramovdur. O. 2018-ci ildən şəhərə rəhbərlik edir.
Aknews.az]]> https://aknews.az/index.php?newsid=5021 https://aknews.az/index.php?newsid=5021 5021 Thu, 23 Apr 2026 20:42:29 +0400 native-yes Gürcüstan Prezidenti Mixeil Kavelaşvili Acarıstan Muxtar Respublikası hökumətinin sədri vəzifəsinə Zurab Pataradzenin namizədliyini irəli sürüb.
"Report"un Gürcüstan bürosu xəbər verir ki, Prezident bu barədə keçirdiyi brifinqdə məlumat verib.

O bildirib ki, namizədlik təsdiq üçün Acarıstan Muxtar Respublikasının Ali Şurasına təqdim olunub.

Qərarın siyasi qurumlarla məsləhətləşmələr və Gürcüstanın Baş naziri İrakli Kobaxidze ilə birgə qəbul edildiyi qeyd olunub.

Dövlət başçısı vurğulayıb ki, Zurab Pataradze uzun illər dövlət qulluğunda və diplomatik xidmətdə çalışaraq Gürcüstanın maraqlarını beynəlxalq səviyyədə uğurla təmsil edib və fövqəladə və səlahiyyətli səfir rütbəsinə malikdir.

Qeyd olunub ki, Pataradze 2016–2018-ci illərdə də Acarıstan Muxtar Respublikasının hökumət sədri vəzifəsini icra edib və həmin dövrdə regionda bir sıra mühüm layihələrin həyata keçirilməsi ilə yadda qalıb. Prezident onun regionun ehtiyaclarını yaxşı bildiyini və zəngin təcrübəsinin Acarıstanın inkişafına töhfə verəcəyinə əmin olduğunu qeyd edib.

Eyni zamanda, Kavelaşvili indiyədək bu vəzifəni icra edən Sulxan Tamazaşviliyə fəaliyyətinə görə təşəkkür edib və yeni vəzifəsində uğurlar arzulayıb.

Xatırladaq ki, Baş nazir İrakli Kobaxidze Sulxan Tamazaşvilini Gürcüstanın daxili işlər naziri təyin edib.

Aknews.az]]> https://aknews.az/index.php?newsid=5020 https://aknews.az/index.php?newsid=5020 5020 Thu, 23 Apr 2026 20:36:38 +0400 native-yes Natiq Səhrab oğlu İbrahimov yenidən Lənkəran Dövlət Universitetinin rektoru təyin edilib.
Bu barədə Prezident İlham Əliyev Sərəncam imzalayıb.

Qeyd edək ki, Natiq İbrahimov 2016-cı il may ayından 2021-ci il aprelin 23-nə qədər Lənkəran Dövlət Universitetinin rektoru vəzifəsini icra edib. O, 2021-ci il aprelin 23-də Lənkəran Dövlət Universitetinin rektoru təyin edilib.
Aknews.az]]> https://aknews.az/index.php?newsid=5019 https://aknews.az/index.php?newsid=5019 5019 Thu, 23 Apr 2026 15:54:31 +0400 native-yes Hesablama Palatası Mədəniyyət Nazirliyi və onun tabeliyində olan “Əsaslı Tikinti və Təchizat” MMC-də dövlət satınalmaları üzrə audit aparıb.
Aknews.az Tezadlar.az-a istinadən xəbər verir ki, audit 2023–2025-ci illəri əhatə edib. Bu dövrdə ümumilikdə 387 satınalma keçirilib, 99,9 mln. manatlıq müqavilə bağlanılıb və bunun 64,8%-i icra olunub.
Audit nəticəsində satınalma prosesində nəzarət və hesabatlılıq sahəsində nöqsanlar, həmçinin əvvəlki illərlə müqayisədə təkrarlanan uyğunsuzluqlar müəyyən edilib.
Hesabatda qeyd olunur ki, bəzi hallarda müqavilələr gec bağlanıb, vəsaitlər satınalma proseduru keçirilmədən istifadə olunub. Eyni zamanda bazar qiymətləri araşdırılmadığı üçün mallar və xidmətlər daha baha qiymətlərlə alınıb.
Bundan əlavə, bəzi hallarda aşağı qiymət təklif edən şirkətlərlə zəruri araşdırmalar aparılmadan müqavilə bağlanıb, nəticədə öhdəliklərin tam və vaxtında icra olunmaması halları qeydə alınıb.
Audit göstərib ki, bəzi satınalmalar üzrə müqavilələr 30%-ə qədər baha bağlanıb, tətbiq edilməli olan 100 min manatdan çox cərimə tətbiq olunmayıb.
Eyni zamanda, sərgilərin təşkili ilə bağlı 207,3 min manat vəsait maliyyə sənədlərində əks etdirilməyib, tədbirlərin keçirilməsi zamanı isə 651 min manata yaxın artıq büdcə vəsaiti xərclənib.
Qeyd edilib ki, bəzi hallarda qanunvericilikdə nəzərdə tutulmayan təlim xidmətləri alınıb, təlimçilərin 60%-i isə müəyyən edilmiş tələblərə cavab verməyib.
Audit nəticəsində ümumilikdə 1,131 mln. manat vəsaitin bərpası nəzərdə tutulub. Hesablama Palatası aşkar olunmuş nöqsanların aradan qaldırılması və dövlət satınalmalarında nəzarətin gücləndirilməsi ilə bağlı müvafiq qərarlar qəbul edib.
]]> https://aknews.az/index.php?newsid=5018 https://aknews.az/index.php?newsid=5018 5018 Thu, 23 Apr 2026 15:49:30 +0400 native-yes Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Bildirilib ki, gecə və səhər bəzi yerlərdə duman olacaq. Şimal-qərb küləyi əsəcək.

Havanın temperaturu gecə 8-12° isti, gündüz 15-19° isti olacaq. Atmosfer təzyiqi 756 mm civə sütunu, nisbi rütubət isə gecə 70-80%, gündüz 60-65% olacaq.

Azərbaycanın əksər rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda fasilələrlə yağıntılı olacağı gözlənilir. Ayrı-ayrı yerlərdə yağıntının qısamüddətli intensiv olacağı, şimşək çaxacağı, dolu düşəcəyi, yüksək dağlıq ərazilərdə qara keçəcəyi, duman olacağı ehtimalı var. Qərb küləyi bəzi yerlərdə arabir güclü olacaq.

Havanın temperaturu gecə 8-12° isti, gündüz 20-25° isti, dağlarda gecə 3-8° isti, gündüz 13-18° isti olacaq.

Aknews.az]]> https://aknews.az/index.php?newsid=5017 https://aknews.az/index.php?newsid=5017 5017 Thu, 23 Apr 2026 15:46:03 +0400 native-yes Sevindirici haldır ki, bu gün Azərbaycanda ağsaqqallar ölkə həyatının bütün sahələrində fəal iştirak edirlər.
Bu barədə Azərbaycan Prezidenti İlham Əliyevin Azərbaycan Ağsaqqallar Şurasının IX Qurultayının iştirakçılarına müraciətində deyilir.

Dövlət başçısı qeyd edib ki, dünyada artan təhdidlər, xüsusilə də qloballaşma və sosial şəbəkə platformalarının zərərli təsirləri nəticəsində bir çox ölkələrdə milli-mənəvi və ailə dəyərlərinin deformasiyaya uğraması Azərbaycanda mövcud olan ağsaqqallıq institutunun əhəmiyyətini və rolunu daha qabarıq şəkildə vurğulayır:

"Gənclərimizi milli vətənpərvərlik və öz köklərinə bağlı ruhda yetişdirmək, onları düzgün yola istiqamətləndirmək ağsaqqallarımız qarşısında duran əsas vəzifələrdən biridir".

Aknews.az]]> https://aknews.az/index.php?newsid=5016 https://aknews.az/index.php?newsid=5016 5016 Thu, 23 Apr 2026 15:36:57 +0400 native-yes Hesablama Palatasının illik hesabatında “Azərenerji” Açıq Səhmdar Cəmiyyətində (ASC) həyata keçirilən genişmiqyaslı auditin nəticələri də yer alıb. Dövlət büdcəsinin vəsaitlərindən istifadənin effektivliyini yoxlayan qurum, strateji əhəmiyyətli bu qurumda investisiya və satınalma sahəsində ciddi qanun pozuntuları, maliyyə intizamsızlığı və səmərəsiz xərcləmələr aşkar edib.
Palatanın son hesabatına görə, audit yoxlamaları 2022-2024-cü illəri əhatə edib və bu müddət ərzində ümumilikdə 255 milyon manatdan çox vəsaitin istifadəsi təftiş olunub.

Hesabatda ən diqqətçəkən məqamlardan biri Kiçik Su Elektrik Stansiyalarının (KSES) inşası ilə bağlıdır. Məlum olub ki, bu layihələr prioritet siyahısına salınarkən heç bir ciddi texniki-iqtisadi əsaslandırma aparılmayıb. Bu planlaşdırma xətası isə dövlət vəsaitinin faktiki olaraq səmərəsiz xərclənməsinə yol açıb.

Audit nəticəsində bəlli olub ki, tikintisi tamamlanmış 7 stansiyada istehsal gücündən istifadə göstəricisi kritik dərəcədə aşağıdır. Belə ki, bu stansiyalar cəmi 14,7%-dən 46%-ə qədərgüclə işləyir. Bu isə nəzərdə tutulan gəlirliliyin kəskin azalmasına, əvəzində isə texniki xərclərin artmasına səbəb olub.

Yoxlamalar zamanı tikinti və satınalma müqavilələrində də ciddi “kəşf”lər edilib. Palatanın auditorları müəyyən ediblər ki:

-Bəzi layihələrin smetasında ümumiyyətlə nəzərdə tutulmayan işlər və xərclər süni şəkildə satınalma müqavilələrinə daxil edilib;

-Görülməmiş və ya planlaşdırılmamış işlərin dəyəri ümumi xərclərə əlavə olunaraq rəsmiləşdirilib.

Bu faktlar dövlət satınalmaları haqqında qanunvericiliyin və tikinti normalarının kobud şəkildə pozulması kimi qiymətləndirilir.

Hesablama Palatası “Azərenerji”nin satınalma prosesini də kəskin tənqid edib. Hesabatda bildirilir ki, qurumda tender sənədlərinin rəsmiləşdirilməsi normativ tələblərə cavab vermir. Tender komissiyasının fəaliyyətində və ümumilikdə maliyyə idarəetməsində ciddi boşluqların olduğu vurğulanır.

Qeyd edək ki, Hesablama Palatası aşkarlanan bu pozuntuların aradan qaldırılması və gələcəkdə təkrarlanmaması üçün müvafiq tapşırıqlar verib. Məsələnin hüquqi müstəviyə keçib-keçməyəcəyi isə hələlik rəsmi açıqlanmır.(Xalq.online)

Aknews.az]]>