Gədəbəydə məmur özbaşınalığı... - Zəfər Parkındakı 120 minlik fəvvarə nədən işləmir?

Bölgələrdə dövlət büdcəsindən ayrılan vəsaitlərin mənimsənilməsi və vəzifə səlahiyyətlərindən sui-istifadə halları ilə bağlı növbəti iddia Gədəbəy rayonundan gəlib. Yerli sakinlərin gundemxeber.org-a verdiyi məlumatlara əsasən, rayonda həyata keçirilən bəzi abadlıq-quruculuq işlərində ciddi maliyyə yeyintilərinə və maxinasiyalara yol verilib.

Gədəbəydə məmur özbaşınalığı... - Zəfər Parkındakı 120 minlik fəvvarə nədən işləmir?

İddiaların mərkəzində Gədəbəy Rayon İcra Hakimiyyətinin sabiq başçısı Orxan Mürsəlov və onunla bərabər çalışan, hazırda isə Göyçay rayonuna aparıldığı bildirilən kadrı Fuad Bayramov durur.

Fəvvarəyə silinən 120 min manat və acınacaqlı mənzərə

Sakinlərin bildirdiyinə görə, Fuad Bayramov Gədəbəydə çalışdığı dövrdə öz vəzifə səlahiyyətlərindən sui-istifadə edərək iri məbləğdə vəsaitlərin mənimsənilməsindəiştirak edib. Şikayətdə xüsusilə 2023-cü ildə Gədəbəyin mərkəzində yerləşən Zəfər Parkında inşası həyata keçirilən fəvvarə (fontan) layihəsi qeyd olunur.

Məsələ ilə bağlı sakinlərdən biri parkdakı acınacaqlı vəziyyəti belə təsvir edir:

“2023-cü ildə Fuad Bayramovun Gədəbəyin mərkəzində tikdirdiyi Zəfər Parkındakı fəvvarəyə baxın. Görün nə gündədir... Artıq fəvvarə adına yalnız bərbad vəziyyətini görürük. Fəvvarənin işləməsindən söz gedə bilməz — mühərriki partlayıb, sağ-solu sökülüb. Hardasa 100–120 min manat belə bura pul yazılıb. Camaat istirahətə gəlir, amma qarşılaşdıqları mənzərə göz qabağındadır.”

İstirahət məkanı, yoxsa maxinasiya meydanı?

Sakinlər qeyd edirlər ki, rayon sakinlərinə və şəhidlərimizin xatirəsinə ehtiram əlaməti olaraq salınmış Zəfər Parkında bu cür maxinasiyaların edilməsi mənəvi baxımdan da qəbuledilməzdir. Kağız üzərində yararlı və baha qiymətə başa gəlmiş kimi qələmə verilən fəvvarənin mühərrik hissəsinin sıradan çıxması, ətrafının sökülüb bərbad hala düşməsi ayrılan vəsaitin təyinatı üzrə xərclənmədiyinə dair ciddi şübhələr doğurur.

İcra hakimiyyəti dəyişdi, cavabdehlik kimdə qaldı?

Orxan Mürsəlovun Gədəbəydən sonra Göyçay Rayon İcra Hakimiyyətinə başçı təyin olunması və Fuad Bayramovun da onunla birgə yeni təyinat yerinə aparılması yerli sakinlərdə narahatlıq yaradıb. Onlar bildirirlər ki, Gədəbəydə böyük məbləğdə büdcə vəsaitlərinin silinməsinə rəvac verən şəxslərin cavabdehlikdən yayınaraq başqa rayonda analoji fəaliyyətlərini davam etdirməsi arzuolunmazdır.

Gədəbəy sakinləri aidiyyəti hüquq-muhafizə orqanlarından və Hesablama Palatasından Zəfər Parkındakı fəvvarənin inşasına ayrılan 120 min manatlıq vəsaitin xərclənmə istiqamətlərinin araşdırılmasını və məsələyə hüquqi qiymət verilməsini xahiş edirlər.(Gundemxeber.org)

Aknews.az

Paylaş:

Oxşar mövzular

Gündəm / Siyasət

26-05-2025, 12:29

Prezident İlham Əliyev Əfv Sərəncamı imzalayıb

Gündəm / Olay

18-02-2026, 12:26

Dövlət İdarəsinin qərarını Göyçay Rayon İcra Hakimiyyətinin başçısı Orxan Mürsəlov qəsdən qərəzli olaraq icra etmək istəmir. - İTTİHAM FOTO/VİDEO

Gündəm

2-06-2025, 19:24

Polisin axtardığı oliqarx oğlundan susdurma müqaviləsi tək barışıq sazişi – İLGİNC TƏFƏRRÜAT

Gündəm

26-06-2025, 12:38

Oliqarx oğlu son anda alimenti ödədi, ADINI da, SOYADINI da QIZINA VERDİ - FOTO

Bölgə / Cəmiyyət

23-06-2025, 19:28

Gədəbəyin memarı Əlövsət Bayramov Başkənd gölündə olan restoranından belə qaçdı-Video

Gündəm

21-01-2026, 14:24

Vidadi Zeynalovun MİLYONLUQ əmlakları hərraca çıxarılır – SİYAHI

Gündəm

27-08-2026, 12:23

Oliqarx oğlu milyonluq varidat, lüks avtomobilləri “unutdu”, məhkəməyə 1000 manatlıq maaş arayışı təqdim etdi

Gündəm / Ölkə

7-05-2026, 12:43

Abit Əliyevi bu şirkətlərə bağlayan nədir – Paytaxtda təmir-tikinti işləri, yoxsa…

Gündəm

9-07-2025, 16:29

Gədəbəyin icra hakimiyyətinin vəzifəli şəxsi qazini döyüb? “Lexus”a minib qaçdı…..- Video

Cəmiyyət

7-08-2026, 18:18